Қарағандыдағы жылу кешенінің құрылысы қосымша қаржыландыруды қажет етті, инфрақұрылымға қатысты мәселелер туындаған
ҚАРАҒАНДЫ. Шілденің 16-сы. ҚазАқпарат /Валентина Елизарова/ - Қарағандыда «Green Technology» компаниясының жылу кешені құрылысы бойынша жобаны іске асыруда мәселелер туындаған. Осыған байланысты Қарағанды облысының әкімі бейсенбі, шілденің 15-і күні Серік Ахметов мемлекеттік органдар мен қызмет көрсетуші компания өкілдері, жекеменшік тұлғалардың қатысуымен құрылыс алаңында жұмыс кеңесін өткізді.
Талқыға түскен мәселелердің бірі - қосымша қаражат қажет болғандықтан, кепілге салынған мүліктің артуы. Туындаған басқа мәселе - нысанды су, электр және жылу энергиясымен қамтамасыз ету бойынша инфрақұрылымға қосу. Аймақ басшысы осы мәселелерді шешу бойынша бұйрықтар берді.
«Индустриялады-инновациялық жобаны жүзеге асыру барысында кейбір мәселелер туындап отыр. Әрине, бұл қаржыландырылуға қатысты», - деді журналистерге берген сұхбатында Серік Ахметов.
«Green Technology» ЖШС-нің директоры Мәдениет Божбановтың айтуынша, жобаны жүзеге асыру үшін қосымша 240 млн. теңге қаражат керек.
