Қарағандылық полицейлер оқушыларға Жедел басқару орталығына экскурсиялар ұйымдастыруда

ҚАРАҒАНДЫ. Қыркүйектің 13-і. ҚазАқпарат /Валентина Елизарова/ - Бүгін бастау алған «Полиция және мектеп» акциясы аясында қарағандылық мектеп оқушыларына Жедел басқару орталығына саяхаттар ұйымдастырылды.

Облыстық ІІД қоғамдық қауіпсіздік басқармасының кәмелетке толмағандар ісі жөніндегі бөлімнен хабарлағандай, акция өткізілетін қыркүйектің 13-і мен қазанның 6-сы аралығында оқушылар Жедел басқару орталығына әр сенбі сайын келуіне болады. «Бұл жерде олар полиция өмірі мен қызметінің қыр-сырына үңіліп, қылмыстардың дер кезінде және ізін суытпай ашылуындағы полицейлердің қосқан үлесіне көзайым бола алады. Бұл акцияның мақсаты - жастар қылмысының алдын алу, сонымен қатар, кәмелетке толмағандар мен полицейлер арасында сенімге негізделген байланыстар орнату, оларды патриоттық рухта тәрбиелеу», - деп атап өтті бөлім қызметкерлері.