Қарағандылық төрт кикбоксшы әлем чемпионатына жолдама алды
ҚАРАҒАНДЫ. ҚазАқпарат - Қарағандылық спортшылар Петропавлда ең мықты кикбоксшылар арасында өткен республикалық жарыста табысты шықты, деп хабарлады облыстық денешынықтыру және спорт басқармасының баспасөз қызметінен.
«Жарысқа 14 команда, 80 спортшы қатысты. Қарағанды облысының атынан 9 кикбоксшы шықты. Жарыс қорытындылары бойынша құрамына қарағандылық Руслан Баязитов, Екатерина Братухина, Марина Ни және Тамара Темірбаева кірген Қазақстан ұлттық құрамасы қалыптасты», - делінген хабарламада.
Жарыс жеңімпаздарын Біржан Жахин жаттықтырып отыр.
«Жалпы алғанда қарағандылықтар ең мықты кикбоксшылар жарысында барлығы 7 медаль: 3 алтын, 2 күміс және 2 қола жүлдені жеңіп алған», - делінген спорт басқармасының хабарламасында.
