Қармақшыда коммуналдық қызмет саласы қалыптасып келеді

ҚЫЗЫЛОРДА. Қаңтардың 21-і. ҚазАқпарат /Руслан Игілік/ - "Қармақшытехсервис" мемлекеттік кәсіпорны кент пен ауылдарда етек-жеңі жинақталмай жүрген коммуналдық қызмет саласын бір ізге түсірді,

деп хабарлайды ҚазАқпарат тілшісі. Тұрғындарды ауызсумен қамтамасыз ету үшін қысқа мерзімде топтық су торабына қосылмаған 50 шақырымдық құбыр мен 14 ұңғыны өз құзырына алып, оның біраз бөлігіне жөндеу жүргізді. Облыстық бюджеттен бөлінген 50 млн. теңгеге аса қажетті жаңа 10 техника алынып, негізгі шаруалар жоспарлы түрде іске асып келеді.