KASE: доллар 3,51 теңгеге арзандады

Қор биржасындағы (KASE) сауда-саттық қорытындысы бойынша, 1 доллардың теңгеге қатысты бағамы арзандады, деп хабарлайды Kazinform.

Күндізгі сауда-саттық мәліметіне қарағанда, доллар құны 3,51 теңгеге төмендеп, 459,04 теңге болды.

Айта кетейік, Ұлттық банктің 21 қазанға белгілеген ресми бағамы – 1 доллар үшін 462,56 теңге.

Kurs.kz дерегіне сүйенсек, Алматыдағы ақша айырбастау пунктерінде доллар 460,03 – 462, 9 теңге аралығында саудаланып жатыр. Ал Астана қаласында сату бағамы – 458,5 теңге болса, сатып алу – 463,5 теңге.

Алматыда Ресей рублі 5,11 – 5,27 теңге, Астанада 5,15 – 5,25 теңге аралығында ұсынылуда.