KASE: таңертеңгілік сессиясының қорытындысы бойынша доллар бағамы -146,65 теңгені, еуро бағамы - 199,90 теңгені құрады

АЛМАТЫ. 8 ақпан. ҚазАқпарат - Қазақстан қор биржасында Т+ 0 (USDKZT_TOD) теңге есебімен АҚШ доллары бойынша, T+0 (EURKZT_TOD) теңге есебімен және (EURUSD_TOD) АҚШ доллары есебімен еуро бойынша таңертеңгілік сауда сессиясы аяқталды.

Аталған санаттар үшін бүгінгі сессия негізгі болды. Саудаға қор биржасының «валюталық нарық мүшесі» санатындағы 17 мүшесі қатысты, деп хабарлайды ҚазАқпарат биржаға сілтеме жасап.

АҚШ долларының бүгінгі орташа бағамы T+0 есебімен 146,65 теңгені, ал сауда көлемі 173 350 мың долларды құрады. Бұған дейінгі таңертеңгілік сауданың қорытындысымен салыстырғанда доллар бағамы 0,08 теңгеге арзандап, сессия көлемі 86 900 мың долларға өсті.

Т+0 теңге есебімен еуро бойынша мәміле жасалған жоқ. Сессия жабылар кезде баға белгіленімі 199,90 теңге/еуроны құрады, бірақ ұсыныс болған жоқ.

Ал Т+0 доллар есебімен еуро бойынша мәміле жасалған жоқ, баға белгіленімі болған жоқ.