Кәсіпкерлердің салықтық сауатын арттыру институтын құру қажет - Елбасы
АСТАНА. 22 маусым. ҚазАқпарат - Кәсіпкерлердің салықтық сауатын арттыру институтын құру қажет.
Бүгін Ақордада кәсіпкерлікті дамыту мәселелеріне арналған кеңесте Елбасы Нұрсұлтан Назарабаев осылай мәлім етті.
«Кәсіпкерлерді өздерінің салық мәдениетін арттыру бағытында жүйелі жұмыстар жүргізу керек. Бұл үшін Үкімет «Атамекенмен» бірлесіп, салық консультанттары, бірінші кезекте кәсіпкерлікті енді бастағандардың салықтық сауаттылығын арттыру институтын құру мәселесін зерделеуі қажет», - деді ҚР Президенті.
Мемлекет басшысының пайымынша, адамдарды салықтық сауаттылыққа үйрету керек. Бұл ретте, кәсіпкерлердің мүлдем салықтың болмағандығы қуантатындығын баса айта келе: «Немесе бұл салықтардан әдемі жалтаруды ойлайды. Ал, Жәмішевтің тапсырмасы оларды қолдарынан ұстау. Ол мұны сәтті жүзеге асыруда», - деді Елбасы.
