Кәсіпқой бокс: «Қазақ жауынгері» Азия чемпионы атанды
АСТАНА. KAZINFORM – Кәсіпқой бокста «Қазақ жауынгері» лақап атымен өнер көрсетіп жүрген қазақстандық кәсіпқой боксшы Елшат Нығметолла (20-0-1, 7КО) кезекті жекпе-жегінде жеңіске жетті.
Қазақстандық боксшы Таиланд астанасы Бангкок қаласында өткен кәсіпқой бокс кешінде шаршы алаңға шығып, индонезиялық Фласидус Нуноны (10-1-2, 8КО) нокаутқа жіберіп, аса жеңіл салмақтағы WBA Asia титулын жеңіп алды.
Айта кетерлігі, Елшат Нығметолла кәсіпқой бокста 2019 жылдан бастап Қазақстанның намысын қоғап жүр. Супер жеңіл салмақта әлемдік рейтингіде 37-орында тұр.
31 жастағы спортшы 2014 жылы кәсіпқой боксқа ауысып, 2016 жылы WBO тұжырымы бойынша Қытай чемпионы, 2018 жылы WBC тұжырымы бойынша Азия чемпионы атанған болатын.
Еске салсақ, «Қазақ жауынгері» өткен жылы 21 қыркүйекте Алматыда өтетін кәсіпқой бокс кешінде танзаниялық боксшы Мухсин Кизотаны (20-5-0, 12КО) үшінші раундта нокаутқа жіберді.
