Қасым-Жомарт Тоқаев ТМД Мемлекеттері басшылары кеңесін қорытындылады
АСТАНА. ҚазАқпарат – ҚР Президенті Қасым-Жомарт Тоқаев ТМД Мемлекеттері басшылары кеңесінің қорытындысын шығарды, деп хабарлайды ҚазАқпарат тілшісі.
«Біз шағын құрамда мұнан арғы ынтымақтастығымыздың ең өзекті мәселелері бойынша нәтижелі пікір алмастық, Тәуелсіз Мемлекеттер Достастығын дамытудың басты басымдықтарын белгіледік», - деді Мемлекет басшысы кеңейтілген құрамдағы отырыста.
Қасым-Жомарт Тоқаев бұл ТМД-ның коронавирус пандемиясынан кейінгі жүзбе-жүз форматтағы алғашқы толыққанды саммиті екенін атап өтті.
«Түптеп келгенде, бұл – біздің елордамызда тағы да жүздескен қуанышты оқиға», - деді ҚР Президенті.
