Катманду әуежайының қызметкерлері қалтасы жоқ шалбар киетін болды

КАТМАНДУ.  Шілденің 3-і.  ҚазАқпарат   - Непалдың  елордасы  -Катмандуда   айрықша бастама  қолға алынуда.   Катманду әуежайының    басшылығы         халықаралық    әуежайдың  қызметкерлеріне    қалтасы жоқ шалбар  кию туралы    нұсқау  беріп    отыр. 

 Әуежай әкімшілігі  осылайша     парақорлықпен және заңсыз алымдармен  күреспек,  деп хабарлайды ҚазАқпарат ИТАР-ТАСС агенттігіне  сілтеме  жасап.

Егер  қалтасы   жоқ  болса,   олар  жұрттан  бопсалап    ақшаларын  тығатын   жер  таппай  қиналатыны анық, дейді   қызметкерлердің  бірі.

Бұл шара  әуежай  қызметкерлерінің   үстінен  түскен  арыз-шағымдардың көбеюімен байланысты  қабылданып  отыр.