«Қайрат» ФК Қазақстан чемпионаттары рекордын орнатты

АСТАНА. ҚазАқпарат - Алматылық «Қайрат» ФК ағымдағы маусымның қорытындылары бойынша футзалдан Қазақстан чемпионаттарының рекордын орнатты, деп жазады Sports.kz.

Ел чемпионаттарының 32 ойынының 31-інде «Қайрат» жеңіске жетіп, біреуінде ғана жеңілген. Бразилиялық маман Какау жаттықтыратын спортшылар мүмкін болатын ұпайлардың 96,9 пайызын қоржынға салды.

Бұған дейінгі маусымдық рекорд та «Қайраттың» қанжығасында болған. 2012-2013 жылдардағы маусымда алматылықтар 93,5 пайыз ұпай жинаған еді.