Қаза тапқан майдангерлер туралы буклеттер шығарылды
АТЫРАУ. Ақпанның 17-сі. ҚазАқпарат /Андрей Соколов/ - Атырау «Мирас-Наследие» өлкетану клубы Гурьев әскери коммиссариатынан шақырылған және елге оралмаған Ұлы Отан соғысының қатысушылары туралы әңгімелейтін буклеттерді шығаруды бастады.
Қазіргі уақытта 6 буклет шығарылды. Опат болған майдангердің аты-жөні буклеттің сыртқы бетінде Мәскеудегі «Белгісіз сарбаздың қабірі» мемориалының фонында орналастырылған. Буклеттің ішіне соғысқа қатысушы құжаттарының, жауынгерлік үш бұрышты хаттардың көшірмелері орналастырылған.
