«Қазақстан аруы – 2023» байқауының жеңімпазы анықталды

Қазақстан аруы - 2023
Фото: Александр Павский/ Kazinform

Алматыда «Қазақстан аруы – 2023» ұлттық сұлулық байқауы аяқталды. Байқауда бас жүлдені 21 жастағы Сабина Ыдырысова жеңіп алып, осы жылдың «Қазақстан аруы» атанды, деп хабарлайды Kazinform.

Биылғы байқау экологияны қорғау аясында «Болашақты аяла» - «Защити будущее» ұранымен өтті. Байқаудың финалдық кезеңіне кастингтерден және жартылай финалдың нәтижесінде іріктеліп шыққан 25 қыз қатысты. Олардың арасында өңірлік іріктеу кезеңдерінің жеңімпаздары да болды.

сұлулық байқауы
Фото: Александр Павский/ Kazinform

Байқауға қатысушы аруларға келесідей негізгі талаптар қойылды: жастары 18-25 арасында болуы, бойлары 165 см-ден кем болмауы, ҚР азаматы, тұрмыс құрмаған әрі балалы болмауы тиіс.

Байқауға баға беретін әділқазылар құрамында: «Қазақстан аруы» ұлттық сұлулық байқауының президенті Айдай Исаева, «Қазақстан аруы – 2022» байқауының жеңімпазы Томирис Какимова, спортшы әрі актер Еркебұлан Тоқтар, блогер, актриса Жания Джуринская, қырғыз дизайнері Арзубек Вонама, кәсіби модель Анжела Пересыпкина болды.

сұлулық байқауы
Фото: Александр Павский/ Kazinform

Финалдық кезең бірнеше байқаудан тұрды. Қатысушылар түрлі киімдер мен бейнелерде жеке және топтық дефиле көрсетті, кейін сұрақтарға жауап берді. Әділқазылар алдымен 25 қатысушының ішінен топ-12 қызды анықтады, осыдан кейін ең үздік 5 қызды анықтады.

«Қазақстан аруы» атағы мен «Әлем аруы» байқауына жолдаманы 21 жастағы Сабина Ыдырысова жеңіп алды. Оған сондай-ақ 5 млн теңгенің сертификаты табысталды.

Қазақстан аруы
Фото: Александр Павский/ Kazinform

«Қазақстан ғалам аруы» тәжі мен «Әлем аруы» байқауына жолдама 23 жастағы Мадина Әлмұхановаға берілді.

«Қазақстан жер аруы» атағы мен «Жер аруы» байқауына жолдама 20 жастағы Аяулым Алимхалиеваға берілді.

Қазақстан аруы
Фото: Александр Павский/ Kazinform

Ботагөз Нұржігітова «Қазақстан вице-аруы – 2023» атанды.

Сайтта дауыс беру арқылы көрермен көзайымы сыйлығының иегері Аделина Багумбаева болды.

Еске салсақ, өткен жылы 24 жастағы астаналық Томирис Кәкімова «Қазақстан аруы» атанған еді.

 

 

Соңғы жаңалықтар
telegram