Қазақстан бейбіт шешімдерді қабылдайтын алаңға айналды – Сенатор
20 қарашада Мемлекет басшысы Қасым-Жомарт Тоқаевтың сайланғанына бір жыл толды. Осыған байланысты Сенатор Ғалиасқар Сарыбаев пікір білдірді.
«20 қарашада Президент Қасым-Жомарт Кемелұлының сайланғанына бір жыл толды. Осы уақыт аралығында Мемлекет басшысының сайлауалды бағдарламасындағы Әділетті мемлекет, Әділетті экономика, Әділетті қоғам қағидаттарының орындалуының алғышарттары толығымен жүзеге асты.
Сыртқы және ішкі саясатта, әлеуметтік-экономикалық, гуманитарлық рухани салаларда заңдар қабылданды. Сот, прокуратура, құқық қорғау, қорғаныс және қауіпсіздік бағытында іс-шаралар жүзеге асты.
БҰҰ орнықты даму көрсеткіштеріне жету үшін Парламентте арнайы комиссия құрылды, Ұлттық құрылтай, заңзыз алынған активтерді қайтару бойынша арнайы құрылым жұмысын бастады.
Қазақстан бейбіт шешімдерді қабылдайтын алаңға айналды. Әрине, бір жылда көп шаруа атқарылды, алда тағы да ауқымды жұмыстар күтіп тұр», - деді Сенат депутаты.
