Қазақстан БҰҰ-ның киберқылмысқа қарсы конвенциясына қосылмақ
АСТАНА. KAZINFORM — Ішкі істер министрлігі киберқылмысқа қарсы күрес саласындағы халықаралық ынтымақтастықты күшейту мақсатында «Киберқылмысқа қарсы Біріккен Ұлттар Ұйымының конвенциясына қол қою туралы» жобасы әзірленді.
Министрліктің мәліметінше, құжат «Қазақстан Республикасының халықаралық шарттары туралы» заңның 5 және 9-баптарына сәйкес және Мемлекет басшысының 2025 жылғы 2 маусымдағы № 25-93-5.5 п. 1.30 тапсырмасы негізінде дайындалған.
Жоба Президент Жарлығы арқылы БҰҰ-ның киберқылмысқа қарсы конвенциясын мақұлдауды және Қазақстан Республикасы атынан оған қол қоюға өкілеттік беруді көздейді.
Конвенцияға қосылу елімізге киберқылмысқа қарсы іс-қимыл саласындағы жұмыстың тиімділігін арттыруға, электронды дәлелдемелермен алмасу тетіктерін жетілдіруге, сондай-ақ ұлттық заңнама мен құқық қолдану тәжірибесін халықаралық стандарттарға сәйкестендіруге мүмкіндік береді.
2025 жылдың басынан бері киберқылмыс бойынша 6 ұйымдасқан қылмыстық топ анықталғанын жазғанбыз.
