Қазақстан құрамасы еркін күрестен әлем чемпионатында екі медаль жеңіп алды

Қазақстан әйелдер құрамасы Тиранада (Албания) өтіп жатқан еркін күрес түрлерінен 23 жасқа дейінгі жастар арасындағы әлем чемпионатында екі қола медаль жеңіп алды. Kazinform бұл туралы Sports.kz-ке сілтеме жасап хабарлайды. 

53 келіге дейінгі салмақта Алтын Шағаева қола жүлде жеңіп алды. Сондай-ақ бұл салмақта украиналық Лилия Маланчук та қола жүлдегер атанса, Молдова өкілі Мариана Драгутан күміс, жапондық Мако Ооно алтын медаль алды.

62 келіге дейінгі салмақта да Қазақстан құрамасы қола жүлдені еншіледі: бұл медальді ел қоржынына Ирина Кузнецова салды. Бұл салмақта ресейлік Алина Касабиева қола, украиндық спортшы Ирина Бондар күміс, жапондық Юдзука Инагаки алтын медаль жеңіп алды.