Қазақстан құрамасы самбодан Әлем кубогын иеленді

АСТАНА. ҚазАқпарат -   Қазақстан құрамасы ерлер мен әйелдер арасындағы спорттық және әскери самбо бойынша ҚР Президентінің жүлдесіне арналған Әлем кубогында жеңімпаз атанды, деп хабарлады «ҚазАқпарат» ХАА.

ЭКСПО-2017 комиссары хатшылығының баспасөз қызметі хабарлағандай, Әлем кубогының кезеңі Астанада 6-8 шілдеде өтті.   

Жарысты ЭКСПО-2017 көрмесі аясында Халықаралық самбо федерациясы өткізді, оған әлемнің 16 елінен 200-ден астам спортшы қатысты.

Жалпы командалық есепте 13 алтын, 12 күміс, 29 қола медальмен Қазақстан құрамасы бірінші орын алып, Кубок иегері атанды. Екінші, үшінші орынды Грузия мен Ресей командалары иеленді.