Қазақстан құрамасы Токиода жасөспірімдер арасында өткен Азиялық Паралимпиадалық ойыннан олжалы оралды
АСТАНА. Қыркүйектің 14-і. ҚазАқпарат - Токиода жасөспірімдер арасында алғашқы Азиялық Паралимпиадалық ойындар аяқталды. Онда табысты өнер көрсеткен Қазақстан құрамасы 23 медаль қанжығалады. Атап айтқанда, қазақстандық жасақ 7 алтын, 12 күміс және 4 қола медаль жеңіп алды.
Қазақстанның барлық паралимпиадашылары жүзу жарыстарынан Азиялық ойындардың наградасымен оралуда, бір медаль - жеңіл атлетикадан алынды, деп хабарлады Спорт комитетінен.
Қазақстан құрамасы бүгін, қыркүйектің 14-інде Астана уақыты бойынша 21.35-те Сеул-Алматы рейсімен Алматы халықаралық әуежайына келеді.
