Қазақстан мен Қытайдың шекарасында күші екі балдық жер сілкінісі тіркелді
ӨСКЕМЕН. Қарашаның 3-і. ҚазАқпарат /Людмила Малько/ - Дүйсенбі күні сағат 11.44-те Қазақстан мен Қытайдың шекарасында күші 2 балдық жерасты дүмпуі тіркелді, деп хабарлады Шығыс Қазақстан облысы бойынша Төтенше жағдайлар департаментінен.
ҚР Ұлттық ядролық орталықтың Геофизикалық зерттеулер институтының мәліметтері бойынша, жер сілкінісі Алматы облысының аумағында: 45,53 градус солтүстік ендікте, 82,39 градус шығыс бойлықта тіркелді.
Сол күні сағат 14.35-те күші 2 балдық тағы бір жер сілкінісі тіркелді. Жерасты дүмпуі Қазақстанның аумағында: 47,37 градус солтүстік ендікте, 82,44 градус шығыс бойлықта орын алды.
