Қазақстан мен Словакия инвестицияларды өзара көтермелейтін болады

Аталған Келісімге2007 жылғы 21 қарашада Братислава қаласында, Қазақстан Республикасының Президенті Н. Назарбаевтың Словак Республикасына ресми сапары барысында қол қойылған.
Келісім Қазақстан мен Словакия арасындағы қарым-қатынастардың дамуына серпін береді. Бұл ретте екі елдің өзара инвестицияларын ынталандыруға үлкен мүмкіндіктер қарастырылып, өзара тиімді сауда-экономикалық ынтымақтастықты одан әрі дамытуға жол ашылады.
Заң жобасы Қазақстан Республикасының қолданыстағы инвестициялық заңнамасында көзделгендегіден өзге қағидаларды белгілейтін бірқатар ережелерді қамтып отыр. Мәселен, Келісімнің 5-бабында инвесторға оның инвестицияларын экспроприациялаған және мемлекет меншігіне алған кезде өтемақы төлеу көзделген. Сондай-ақ Келісім тараптардың арасындағы дауларды шешу мақсатында ұйымдастырылатын, халықаралық төрелік сотын қалыптастыру рәсімдерін егжей-тегжейлі регламенттейтін ережелерді қамтиды.
Келісім оны алдағы уақытта ұзарту мүмкіндігімен 10 жыл мерзімге жасалды. Заң жобасы алдағы уақытта өтетін палатаның жалпы отырысына шығарылмақ.