Қазақстан Президенті Қырғыз Республикасына сапармен келді

АСТАНА. 28 мамыр. ҚазАқпарат - Қазақстан Президенті Нұрсұлтан Назарбаев сапармен Қырғыз Республикасына келді. Бұл туралы Мемлекет басшысының баспасөз қызметі хабарлады.

Сапар барысында Мемлекет басшысы Бішкекте өтетін Ұжымдық қауіпсіздік шарты ұйымына (ҰҚШҰ) мүше мемлекеттер басшыларының бейресми кездесуіне қатысады деп жоспарлануда.

Сонымен қатар, халықаралық және өңірлік қауіпсіздіктің өзекті мәселелерін қарастыру көзделген.