Қазақстан түріктің ірі холдингтерімен 590 млн. доллардың келісімін жасасты
АСТАНА. ҚазАқпарат - Бүгін Түркиядағы Қазақстан Елшілігінің және «KAZAKH INVEST» Ұлттық компаниясы» АҚ-ның қолдауымен жалпы сомасы 590 миллион АҚШ доллары болатын инвестициялық құжаттарға қол қойылды. Келісімдер және меморандумдар «Calik Holding», «Yildirim Holding», «Yildizlar SSS Holding», «Agrobest Group» және басқа ірі түрік холдингтерімен жасалды, деп хабарлайды ҚР Үкіметінің баспасөз қызметі.
Құжаттардың шеңберінде Қазақстанның түрлі өңірлерінде құрылыс материалдарын, машина жасау, химия өнеркәсібі, тау-металлургиялық сектор, энергетика өнімдерін өндіру бойынша жобаларды іске асыру жоспарланады.
Соңғы бес жылда түрік инвесторларымен 667,5 млн. АҚШ доллары сомасына 18 жоба іске асырылғандығын еске салып өтейік. Жақын болашақта жаңа 10 жобаны іске асыру жоспарланады.
ҚР Президенті 2016 жылдың сәуірінде Стамбул қаласына барған сапарынан кейін түрік шағын және орта бизнес өкілдерінің тарапынан да, сондай-ақ трансұлттық компаниялардың тарапынан да Қазақстанға деген қызығушылықтың оқыс өскендігін атап өткен жөн. Түрік компаниялары қазақстандық дайын өнімді ЕАЭО және Орталық Азия елдеріне келесі экспорттаумен өз өндірістерін орналастыру алаңы ретінде қарастырады. Одан басқа, соңғы үш жылда Түркиядан келген инвесторлар Қазақстанда қайта инвестициялауды және өз өндірістік қуаттарын өсіруді белсенді бастады.
Жалпы бүгінгі күні қазақстандық-түрік инвестициялық бастамалардың жалпы пакеті жалпы сомасы 2,7 млрд. АҚШ долларын құрайтын 70 жобаны енгізеді, олардың ішінде 31 жоба іске асырылды, және шамамен 40 жоба перспективалы және іске асырылуы мүмкін. Түркиядан ҚР-ға ТШИ-ның 2005 жылдан бастап 2017 жылдың 1 тоқсанына дейін келуі $ 2,1 млрд. құрады. 2017 ж. 6 айының қорытындылары бойынша сыртқы саудалық айналым 925,1 млн. құрады (2016 ж. ұқсас кезеңімен өсу 36,1%-ды құрады). 2017 ж. 1 шілдесіне ҚР-да 4114 заңды тұлға тіркелді, олардың ішінде 1831 әрекет етеді.
«Kazakh Invest» ҰҚ» АҚ* Қазақстан Республикасына инвестицияларды тарту жөніндегі уәкілетті орган болып табылады. Шетелде өз өкілеттерінің үлкен желісіне ие.
«Kazakh Invest» ҰҚ» АҚ «бір терезе» принципі бойынша идеялардан бастап жүзеге асырылғанға дейін инвестициялық жобаларға ілесу бойынша қызметтердің толық спектрін қамтамасыз етеді және Қазақстан Республикасының арнаулы экономикалық зонасы бойынша бірыңға үйлестіру орталығы ретінде әрекет етеді.
Қазақстан Республикасы Үкіметінің 01.03.2017 жылғы №100 Қаулысына сәйкес «Kaznex Invest» экспорт және инвестициялар жөніндегі ұлттық агенттігі» Акционерлік қоғамы атауы «Kazakh Invest» Ұлттық компаниясы» Акционерлік қоғамына ауыстырылды.
