Қазақстан туризмін насихаттауға халықаралық блогерлер тартылды
АСТАНА. KAZINFORM — 20 миллионнан астам аудиториясы бар блогер Қазақстан туралы контент түсіреді, деп хабарлайды Kazakh tourism ұлттық компаниясының баспасөз қызметі.
«Туризм саласының үздігі» марапатының және «Әлемнің үздік тревел-блогері» номинациясы бойынша халықаралық WIBA Awards 2026 сыйлығының иегері Дастан Мұхамедрахымовтың (bydastann) шақыртуымен Алматыға шетелдік жетекші контент авторлары келді.
Шетелдік қонақтардың қатарында YouTube-те 20 миллионнан астам аудиториясы бар иорданиялық режиссер-деректі фильмдер түсіруші Джо Хаттаб (joe_hattab) және TikTok пен Instagram-да көпмиллиондық қауымдастықты қамтитын америкалық тревел-блогер Джошуа Платильеро (megaamerican) бар.
Сапар аясында блогерлер еліміздің туристік мүмкіндіктеріне арналған бірлескен түсірілімдер жүргізеді.
— Біз Қазақстанның сұлулығын көрсетуді жоспарлап отырмыз. Керемет контент күтіңіздер, — деп бөлісті Дастан Мұхамедрахымов.
Мұндай ауқымды инфлюенсерлердің келуі қазақстандық туризмді ілгерілетуге жаңа мүмкіндіктер ашады.
Сарапшылық контенттің жасалуы және оның негізгі халықаралық платформаларда көрсетілуі жаһандық аудиторияға тікелей шығуды қамтамасыз етеді, сондай-ақ ел брендінің танымалдылығын арттырып, шетелдік туристер ағынының өсуіне ықпал етеді.
Бұдан бұрын Астанада Бәйтерек маңында шампан шашқан блогерге айыппұл салынғанын жазғанбыз.
