Қазақстан Түркиямен және Қытаймен сотталған адамдарды өзара беретін болады

АСТАНА. 9 қазан. ҚазАқпарат - Бүгін Парламент Мәжілісінің жалпы отырысында палата депутаттары «Қазақстан Республикасы мен Түркия Республикасы арысындағы Сотталған адамдарды беру туралы келісімді ратификациялау туралы» заң жобасын өндіріске алды.

«Келісім Түркия Республикасының соттарымен бас бостандығынан айырылған Қазақстан азаматтарын және Қазақстан Республикасының соттарымен бас бостандығынан айырылған Түркия азаматтарын жазасын өздері азаматтары болып табылатын мемлекетте өтеу үшін беру мәселелерін реттеуге бағытталған», деді Халықаралық істер, қорғаныс және қауіпсіздік комитетінің төрағасы Мәулен Әшімбаев.

Сонымен қатар, палата депутаттары дәл осындай Қазақстан мен Қытай арасындағы келісімді де жұмысқа алды.