Қазақстанда 20-22 ақпан күндері ауа райы құбылмалы болады

АСТАНА. ҚазАқпарат - «Қазгидромет» РМК 2018 жылдың 20-22 ақпан аралығына ауа райы болжамын жариялады, деп хабарлайды «ҚазАқпарат» ХАА.

«Республиканың басым бөлігінде атмосфералық ауа ағындарының өтуіне байланысты күн райы құбылмалы болады: кей жерлерде қар жауып, бұрқасын соғады; Жылдамдығы 15-20 м/с болатын жел соғып, тұман түседі. 22 ақпаннан бастап батыста жауын-шашын тоқтап, ауа температурасы төмендеуі мүмкін. Бұл Скандинавия түбегі аумағындағы антициклонға байланысты болмақ», - делінген Қазгидрометтің хабарламасында.