Қазақстанда 2009 жылдың желтоқсанында инфляция 0,6 пайызды құрады

Бұл туралы ҚазАқпарат ҚР Статистика агенттігіне сілтеме жасап хабарлайды.

Агенттіктің мәліметінше, 2009 жылдың желтоқсан айында азық-түлік тауарларының бағасы - 0,4 пайызға, азық-түлікке жатпайтын тауарлардың бағасы - 0,3 пайызға, ақылы қызметтер - 1,1 пайызға ұлғайған. Азық-түлік тауарларының нарығында өткен айда шикі сүттің бағасы - 4,6 пайызға, жұмыртқа, кофе, шәй және какао - 1,8, қышқыл сүт өнімдері - 1,7, май -1,6 , алкогольсіз сусындар - 1,3, алкогольді сусындар - 1,2, балық және теңіз өнімдері -1 , кондитерлік бұйымдар - 0,6, ет өнімдері, көкөністер мен жемістер - 0,2 пайызға өскен. Нан мен макарон бұйымдарының бағасы - 0,3 пайызға, жарма - 1,7 , күріш -2,7, ұн - 5,1 пайызға төмендеген.

Азық-түлікке жатпайтын тауарлар нарығында кітаптар мен газеттердің және жуатын және тазалайтын құралдардың бағасы - 0,5 пайызға, ыдыстар мен жеке гигиена тауарлары - 0,7, киімдер мен аяқ-киімдер - 0,9, фармацевтикалық препараттар - 1,1, пайызға ұлғайған. Бензин

3 пайызға, цемент - 2,9 пайызға арзандаса, дизель отыны - 2 пайызға, көмір - 1 пайызға қымбаттады. Медициналық қызметтер бағасының деңгейі 0,5 пайызға, шаштараздар, мейрамханалар және қонақүйлердің бағасы - 0,9 пайызға, жолаушылар көлігінің бағасы - 1,2 пайызға қымбаттаған. Тұрғын-үй коммуналдық қызметтер саласында ыстық судың тарифтері - 4,2 пайызға, кәріз - 3,7 пайызға, орталықтан жылыту - 2,6 пайызға, суық су - 1 пайызға қымбаттады.