Қазақстанда алғаш рет таеквондо бойынша үлкен ашық турнир өтеді

АСТАНА. ҚазАқпарат - 2015 жылы 25-28 қазанда Алматы қаласындағы "Балуан-Шолақ" атындағы спорт сарайында таеквондодан "Kazakhstan Open" халықаралық ашық турнир өтеді.

Бұл Қазақстан үшін жоғары дәрежедегі алғашқы ашық жарыс. Оған 33 елден 500-ге жуық спортшы қатысады. Олардың барлығы рейтингтегі ұпайлар үшін бақ таластырады, деп хабарлады «Қазақстан таеквондо федерациясы (WTF)» ҚБ баспасөз қызметкері Айдар Өтешев.