Қазақстанда бір аптада 2,5 мың қылмыс жасалған

None
АСТАНА. ҚазАқпарат – Өткен аптада ел аумағында 2514 қылмыс жасалды. Бұл туралы Ішкі істер министрлігінің өкілі Шұғыла Тұрлыбек мәлім етті, деп хабарлайды ҚазАқпарат тілшісі.

«Алдымен елдегі криминогендік жағдайға тоқталайық. Бір аптада 2514 қылмыс жасалды, оның 1570-і тәулік ішінде ашылды. Полиция қызметкерлері «ізін суытпай» кісі өлтіруге қатысты – 5, өлімге әкеп соққан денсаулыққа қасақана ауыр зиян келтіруге қатысты 2 қылмысты ашты. Сонымен қатар 23 тонау, 351 мүлік ұрлау қылмысы ашылды», – деді Шұғыла Тұрлыбек ведомствода онлайн өткен баспасөз мәслихатында.

Министрлік ұсынған мәліметке сәйкес, жүргізілген жұмыстар нәтижесінде елімізде қылмыс саны азйып келеді.

ІІМ статистикасына сүйенсек, жасалатын қылмыстардың шамамен 50% – ұрлық.

Одан бөлек брифинг барысында Мемлекет басшысының тапсырмасымен есірткі және нашақорлық қылмысына қарсы күрес бойынша 2023-2025 жылдарға арналған кешенді жоспар әзірленіп жатқаны айтылды.


Соңғы жаңалықтар