Қазақстанда Құрылтай есімді 10 адам бар
АСТАНА. KAZINFORM – Бұл туралы ҚР Стрателгиялық жоспарлай және реформалар агенттігі Ұлттық статистика бюросының телеграмдағы ресми арнасынан мәлім болды.
Ондағы мәліметтерге қарағанда, Құрылтай есімі және оның нұсқалары бүгінде Қазақстанда өте сирек кездеседі.
2026 жылғы тамыздағы жағдай бойынша «Құрылтай», «Курылтай», «Курултай» және «Курлтай» есімдерімен 10 азамат тіркелген. Олардың 6-ы ер адам, 4-і әйел.
Құрылтай есімі және оның нұсқаларын иеленген азаматтардың ең көп саны Шығыс Қазақстан облысында тіркелген – 4 адам. Алматы қаласында 2 адам тұрады. Абай, Жамбыл, Қарағанды және Маңғыстау облыстарының әрқайсысында бір адамнан тіркелген.
-10 адамның бесеуі 65 жастан асқан. Олардың ішіндегі ең үлкені – 80 жаста. Қалған төрт адам 30-34, 50-54, 55-59 және 60-64 жас аралығындағы топтарға жатады,-делінген таратылған мәліметте.
Осыған дейін қазақстандықтардың 73,8%-ы Құрылтай сайлауында дауыс беруге ниетті екені туралы жаздық.
