Қазақстанда тұратын барлық ұлттар мен ұлыстардың тілін, мәдениетін және салт-дәстүрін дамытуға барынша жағдай жасалады
ШЫМКЕНТ. 15 желтоқсан. ҚазАқпарат - Ешқандай этносқа ешқандай артықшылық болмайды және болмауға тиіс, барлығының құқықтары мен міндеттері бірдей. Бұл туралы ел Президенті Нұрсұлтан Назарбаев Астанадағы жаңа опера және балет театрында Тәуелсіздік күніне арналған салтанатты жиын кезінде «Қазақстан-2050» стратегиясы: қалыптасқакн мемлекеттің жаңа саяси бағыты» Жолдауын оқығанда мәлімдеді.
Атап айтқанда, Президент: «Мемлекеттік тілмен қатар Қазақстанда тұратын барлық ұлттар мен ұлыстардың тілін, мәдениетін және салт-дәстүрін дамытуға барынша жағдай жасауды алдағы уақытта да жалғастыра беретін боламыз», деді.
Нұрсұлтан Назарбаев «Біз ешқашан оқуға түсу, жұмысқа тұру және қызмет бабында өсу этностық белгі арқылы шешіледі дегенді ойға да алмауға тиіспіз» деп атап өтті.
Бұл ретте Президент егер біреуге этностық белгісі бойынша қысым жасалса, онда бүкіл қазақстандықтарға қысым жасалды деп есептеу керек екенін атап өтті.
