Қазақстанда ұлттық құрама командаларды жасақтау тәртібі өзгерді

None
Фото: gov.kz
АСТАНА. ҚазАқпарат - Елімізде ұлттық құрама командаларды жасақтау қағидаты өзгерді, ол үшін қолданыстағы заңнамаға өзгеріс енгізілді, деп хабарлайды ҚазАқпарат Мәдениет және спорт министрлігіне сілтеме жасап.

Енді құрамаға жылдың басты республикалық және халықаралық жарыстарында 1-ден 8-ге дейін орын алған спортшылар қабылданады.

Айта кетейік, бұған дейін құрамалар тек чемпиондар мен жүлдегерлерден ғана жасақталған болатын.

Аталған өзгеріс бокс, дзюдо, грек-рим күресі, еркін күрес, әйелдер күресі, биатлон, шаңғы жарысы, таеквондо WTF спорт түрлеріне қатысты.

Спорттық ойын түрлеріне де осы тәртіп қолданылады.

Бірақ негізгі және қосалқы командаларға жылдың басты республикалық және халықаралық турнирлерінде 1-ден 10-шы орынға дейін иеленген спортшылар шақырылады.

«Біз дарынды спортшылар үшін ұлттық құрама қатарына қосылу мүмкіндігін ұлғайтуымыз керек деп санаймыз. Әсіресе, болашағынан зор үміт күтетін, тәжірибелі, дарынды, жас спортшылар үшін, оның ішінде ауыл спортшылары үшін бұл - өзін-өзі дәлелдеуге жақсы мүмкіндік. Бұл өзгерістер пайдалы болады және дұрыс бәсекелестіктің дамуына ықпал етеді деп үміттенеміз», – дейді Мәдениет және спорт министрі Асхат Оралов.


Соңғы жаңалықтар