Қазақстандық боксшы Алуа Балқыбекова келесі кезеңге өтті

АСТАНА. KAZINFORM — Бусто-Арсициодағы Олимпиада жолдамалары сарапқа салынып жатқан турнирде қазақстандық боксшылар арасынан бірінші болып шаршы алаңға шыққан Алуа Балқыбекова келесі кезеңге өтті. 

Отандасымыз Оңтүстік Корея елінің боксшысы Джу Хюнг Чонды 4:1 есебімен ойсырата жеңді. Осылайша Алуа Балқыбекова Олимпиада жолдамасына бір табан жақындай түсті. 

Айта кетсек, бұған дейін лицензиялық турнирде бүгін шаршы алаңға кімдер шығатынын жазған болатынбыз. 

Еске салайық, Италиядағы турнирдің 1/8 финалында Айбек Оралбайдың қарсыласын жеңіп, Олимпиада лицензиясына бір табан жақындады. Сондай-ақ әйелдер арасында Қазақстан құрамасының атынан сынға түскен Наталья Богданова жарыс жолынан шығып қалды.