Қазақстандық спортшылар Стенд атудан АҚШ-тағы екі турнирде 6 медаль жеңіп алды

АСТАНА. KAZINFORM – АҚШ-тағы Гран-при турнирі мен Perazzi Cup додасында отандастарымыз 6 медаль жеңіп алды. 

Ұлттық олимпиадалық комитеттің мәліметінше, қазақстандық спортшылар 2 алтын, 2 күміс және 2 қола жүлдені еншілеген. 

Богдан Конченко жасөспірімдер арасындағы Perazzi Cup турнирінде екінші, Анастасия Прилепина үшінші орын алды. Сондай-ақ Конченко Гран-при турнирінде алтын жүлдеге қол жеткізді. 

А санатындағы сында Асылхан Айсалбаев алтын алса, В санатында Анастасия Прлепина күміске иелік етті. 

Сонымен қатар Наргиза Сарманова қола медаль иеленді.