Қазақстандық теннисші әлемдік рейтингте жоғарылап, рекорд орнатты

АСТАНА.KAZINFORM -  Қазақстандық теннисші Юлия Путинцева Әйелдер теннис қауымдастығының (WTA) жұптық рейтингінде өз позициясын айтарлықтай жақсартты, деп хабарлайды Sports.kz.

Жаңартылған рейтингте Юлия Путинцева бірден 24 сатыға көтеріліп, 81-орынға жайғасты. Бұл оның жеке рекорды.

Өткен аптада Путинцева чехиялық Линда Носковамен бірге Дубайдағы турнирдің жұптық сынында ширек финалға дейін жетіп, қытайлық Сюй Ифань мен Ян Чжаосюаньға жол берген еді. Ал Носкова 17 сатыға көтеріліп, 74-орынға тұрақтады.

Жекелей рейтингте Юлия Путинцева 22-орында тұр.

Бұған дейін Юлия Путинцева мен Уимблдон чемпионы арасындағы матч оның ірі жеңілісімен аяқталғаны хабарланған болатын.

Юлия Путинцева әлемдік рейтингіде ТОП-20-ға қайта кірген еді.