Қазақстандық штангышы Маргарита Елисеева Азия чемпионатында күміс медальды жеңіп алды
АШКЕНТ. Сәуірдің 13-і. ҚазАқпарат /Құрмат Самархан/ - Бүгін Ташкентте өтіп жатқан жасөспірімдер және жастар арасындағы Азия чемпионаты аясында 17 жастан асқан спортшылар медаль жолында жарысқа шықты. Қазақстан атынан 8 ауыр атлет өнер көрсетті.
ҚР өкілдері арасынан бірінші болып сынға түскен Маргарита Елисеева штанганы жұлқи көтеруде 71 және серпи көтеруде 87 келі салмақты бағындырып, күміс медальды олжалады.
Сондай-ақ медаль үшін Ф. Сиванбаева (58 келі), Т. Конгренко (58 келі) және Е.Селезнев (62 келі) бақ сынайды.
Бұған дейін хабарланғандай, Азия чемпионатының бірінші кезеңінде 1993 жылға дейін дүниеге келген спортшыларымыз 5 медаль еншілеген болатын, оның 2-уі алтын, 1-уі күміс, 2-уі қола.
