Қазақстандық теннисші Галина Воскобоева Тайланда өтіп жатқан PTT Pattaya Open турнирінің ширек финалына шықты

АСТАНА. 9 ақпан. ҚазАқпарат - Қазақстандық теннисші Галина Воскобоева Тайланда өтіп жатқан PTT Pattaya Open турнирінің ширек финалына шықты.

Бұл ақпаратты ҚР Теннис федерациясының баспасөз қызметінен хабарлады. 2 сағат 40 минутқа созылған тартысты ойын барысында жерлесіміз WTA рейтингінде 25 орында тұрған ресейлік спортшы Марья Кириленконы 1:6,7:5,6:4 есебімен ұтты.

Енді жартылай финалға жолдама алу үшін қазақстандық спортшы итальяндық Сара Эррани мен немесе жапондық Аюми Моритамен ойнайды.