Қазақстандық теннисші Мадрид турнирінің іріктеу сайысында жеңіліп қалды

АСТАНА. ҚазАқпарат – Қазақстандық Тимофей Скатов Мадрид мастерс турнирінің іріктеу сайысында жеңіліп қалды, деп хабарлайды ҚазАқпарат тілшісі.

Дүниежүзілік рейтингте 144-орында тұрған Т. Скатов іріктеу сайысының бірінші айналымында әлемнің 85-ракеткасы, италиялық Марко Чеккинатомен шеберлік байқасты.

Бірінші партияда қазақстандық теннисші 6:3 есебімен басым түсті. Алайда, содан кейін италиялық спортшы күш алып кетті – 6:2, 6:3.

Екі сағат 15 минутқа созылған тартысты бәсеке барысында Т. Скатов 4 брейк-пойнттың үшеуін пайдаланды. Қарсыласы 5 брейкпен (10 брейк-пойнт) көзге түсті.

Еске сала кетейік, бұдан бұрын Елена Рыбакинаның Мадрид мастерс турнирінде бақ сынайтынын жазған болатынбыз.