Қазақстандық теннисші «PTT Pattaya Open» турнирінің жеңімпазы атанды
АЛМАТЫ. Ақпанның 16-сы. ҚазАқпарат /Ерлік Ержанұлы/ - Теннистен Таиландта өткен «PTT Pattaya Open» турнирінде қазақстандық спортшы жеңімпаз атанды,
деп хабарлайды ҚазАқпарат ҚР Теннис федерациясының интернет сайтына сілтеме жасап.Ярослова Шведова бұған дейін таиландтық Тамарин Танасугарнмен 1/8 ойындарында Нунгнаду Ваннасук пен Варатчай Вонгтинчайды 6:0, 6:3 есебімен ұтқан болатын. Жартылай финалда олар үндістандық Сания Мираза мен италияндық Маара Сантангелоның жұбынан 2:6, 6:2 және 10:7 есебімен басым түсті. Ал ақтық сында ресейлік Виталия Дьяченко мен украиналық Юлия Бейгельзимерді 6:3, 6:2 есебімен ойсырата ұтып, жүлде қоры 220 мың АҚШ долларын құрайтын турнирдің жеңімпазы атанды.
