Қазақстандық теннисші Ярослава Шведова сербиялық спортшыдан жеңіліп қалды - «Ролан Гаррос»
АСТАНА. Маусымның 3-і. ҚазАқпарат /Гүлнәр Жандағұлова/ - Қазақстандықтардың үкілеген үмітін арқалаған теннисші Ярослава Шведова «Ролан Гаррос» турнирінің ширек финалында сербиялық Елена Янковичтен жеңіліп қалды.
Ярослава Янковичтен 5:7, 4:6 есебімен жеңілді. Осы турнирдің аясындағы бұған дейінгі төрт кездесуінде қазақстандық теннисші ешкімге есе жібермей келген еді.
Турнир Францияның теннистен ашық чемпионаты болып табылады. «Ролан Гаррос» турнирі - «Үлкен шлем» төрт турнирінің бірі.
