Қазақстандық теннисші Ю.Щукин «Tashkent Challenger 2009» турнирінде жұптық разрядта екінші айналымға шықты
sp; Қазанның 13-і. ҚазАқпарат /Құрмат Самархан/ - Қазақстандық теннисші Юрий Щукин дүйсенбі күні «Tashkent Challenger 2009» турнирінде жұптық разрядта екінші айналымға шықты.
ҚазАқпарат бұдан бұрын хабарлағандай, Ташкентте «Tashkent Challenger 2009» теннис турнирі басталды, оның жүлделік қоры 125 мың АҚШ доллары.
Теннистен Қазақстанның ұлттық құрамасының мүшесі Юрий Щукин словакиялық Мартин Клизанмен жұптасып ойнап, ресей өкілдері Константин Кравчук пен Александр Кудрявцевті жеңді. Ал бүгін, сейсенбі күні Ю.Щукин өзбекстандық Мұрад Иноятовпен кездеседі.
