Қазақстандық жаттықтырушылар Уэльсте білім алады

АСТАНА. ҚазАқпарат - Қазақстандық жаттықтырушылар Уэльсте білім алады, деп хабарлайды ҚазАқпарат тілшісі.

ҚФФ баспасөз қызметінің таратқан мәліметіне сүйенсек,  жаттықтырушыларға арналған УЕФА семинары Ньюпортта 27 - 30 сәуір аралығында өтеді.

Тәжірибе алмасып, білім алуға аттанатын жаттықтырушылар қатарында Қазақстан Ұлттық құрамасы бас бапкерінің көмекшісі Қайрат Нұрдәулетов, 19 жасқа дейінгі Қазақстан жасөспірімдер құрамасының аға бапкері Александр Кузнецов және 17 жасқа дейінгі Қазақстан жасөспірімдер құрамасының аға бапкерінің көмекшісі Ерлан Махамбедиев бар.