Қазақстандықтардың банктік салымдары 450 млрд теңгеге қысқарды
АСТАНА. ҚазАқпарат – Осы жылдың қаңтар айында екінші деңгейлі банк клиенттерінің салымы бірден 450 млрд теңгеге қысқарды, деп хабарлайды ҚазАқпарат тілшісі.
Ұлттық банктің ай сайын жариялайтын статистикалық деректеріне қарағанда, 20123 жылдың 1 қаңтарында клинеттердің жалпы салымы 31 598,5 млд теңгені құраған. Оның 11 592 млрд теңгесі - шетел валютасы. Ал 1 ақпанда банктерде қалған салымның жалпы көлемі 31 148,1 млрд теңге болды. Шетел валютасының мөлшері – 11 351 млрд теңге.
Бұл ретте қаңтар айының басында заңды тұлғалардың ағымдағы шотында 6 704,6 млрд (оның ішінде 3 742 млрд теңгесі шетел валютасында) теңге, жеке тұлғаларда 2 871,9 млрд (шетел валютасында 974,6 млрд теңге) теңге болған еді. ақпан айының басында заңды тұлғалардың салымы біршама қысқарып, 6 609,7 млрд теңге, жеке тұлғалардікі 2 488,2 млрд теңгеге дейін төмендеді.
