Қазақстанға Абу Дабидің Тақ мұрагері келеді

АСТАНА. KAZINFORM —  11-12 мамыр күндері елімізге Абу Дабидің Тақ мұрагері ресми сапармен келеді. Бұл туралы Ақорданың баспасөз қызметі хабарлады. 

11-12 мамыр күндері елімізге Абу Дабидің Тақ мұрагері шейх Халед бен Мұхаммед бен Заид Әл Нахаян ресми сапармен келеді.

— Президент Қасым-Жомарт Тоқаевпен келіссөз барысында Қазақстан мен БАӘ арасындағы стратегиялық серіктестікті нығайту перспективасы талқыланып, бірқатар екіжақты құжатқа қол қойылады, — делінген Ақорда хабарламасында.

Бұған дейін Қасым-Жомарт Тоқаев Венесуэла Президентін Қазақстанға мемлекеттік сапармен келуге шақырған еді.