15:16, 03 Шілде 2024 | GMT +5
Қазақстанға келген Эмомали Рахмонды Олжас Бектенов күтіп алды
АСТАНА. KAZINFORM — Тәжікстан Президенті ШЫҰ саммитіне қатысу үшін Астанаға ұшып келді.
Эмомали Рахмон 3-4 шілдеде өтетін Шанхай ынтымақтастық ұйымының саммитіне қатысады.
Тәжікстан — 2001 жылы ұйым құрылғаннан бері ШЫҰ-ның мүшесі.
Соңғы 5 жылда тек Қазақстанмен тауар айналымы 48,2%-ға ұлғайып, $1,1 млрд құрады.
ШЫҰ аясында да осы кезеңде барлық қатысушы елдер арасында 2019 жылы $42 млрд-тан 2023 жылы $66 млрд-қа дейін аталған көрсеткіштің тұрақты өсуі тіркелуде.
