Қазақстанның басым бөлігі атмофералық ағымдардың ықпалында болады - 30 маусымға арналған ауа райы болжамы
АСТАНА. 29 маусым. ҚазАқпарат - Қазақстан Республикасының Қоршаған ортаны қорғау министрлігінің «Қазгидромет» РМК болжауынша, 30 маусымда Қазақстанның басым бөлігі атмосфералық ағымдардың ықпалында болады,
соған байланысты жекелеген жерлерде жаңбыр жауып, найзағай ойнап, кей жерлерде бұршақ жаууы ықтимал.
Ақмола облысының кей жерлерінде 15-20 м/с жылдамдықпен жел соғады, бұршақ жаууы мүмкін, түнде және таңертең кей жерлерде тұман болады.
Алматы, Жамбыл, Оңтүстік Қазақстан, Мыңғыстау, Батыс Қазақстан, Павлодар және күндіз Атырау облыстарында кей жерлерде 15-20 м/с жылдамдықпен жел соғып, БҚО-да құмды дауыл тұрады.
Солтүстік Қазақстан, Қостанай облыстарының жекелеген жерлерінде желдің екпіні 15-20 м/с-қа дейін жетеді, түнде және таңертең кей жерлерде тұман болады деп күтілуде.
Қарағанды, Шығыс Қазақстан облыстарының жекелеген жерлерінде бұршақ жаууы ықтимал, ШҚО-да 17-22 м/с жылдамдықпен жел соғады.
Атырау, Ақтөбе, Қызылорда, Оңтүстік Қазақстан облыстарында кей жерлерде төтенше жоғары өрт қаупі сақталады.
Атырау, Маңғыстау, Ақтөбе, Жамбыл облыстарында күн қатты ысиды.
Алдағы 3 тәулікте Алматы облысының жекелеген таулы өзендерінде ықтимал нөсерлі жаңбырға байланысты су тасқыны болады деп күтілуде, Батыс Алтайдың өзендерінде су деңгейінің артуы байқалады. Республиканың оңтүстік таулы өзендерінде су деңгейінің ауытқушылығы байқалады.
