Қазақстанның бірқатар өңірлеріндегі ыстық ауа райы бүгін де сақталады - Қазгидромет
АСТАНА. Қыркүйектің 1-і. ҚазАқпарат - «Қазгидрометтің» болжауынша бүгін, қыркүйектің 1-і күні Қазақстанның шеткері солтүстігі мен солтүстік-батысы атмосфералық ағымдар бөліктерінің аумағында болады, ал елдің қалған аумақтарына антициклон ықпал етеді.
Мәселен, Атырау, Қостанай, күндіз Павлодар, Батыс Қазақстан мен Жамбыл облыстарында желдің екпіні 15-20 м/с-қа дейін күшейеді деп күтілуде.
Ал Ақмола, Алматы, Маңғыстау, Атырау, Павлодар, Шығыс Қазақстан мен Жамбыл облысының жекелеген өңірлерінде қатты ыстық сақталады, Қарағанды облысының кей жерлерінде қатты ыстық болады.
Сондай-ақ, бүгін Қазақстанның батыс, оңтүстік және орталық өңірлерінде жоғары дәрежелі өрт қаупі сақталады.
