Қазақстанның Электр энергетикасы қауымдастығына жаңа төраға тағайындалды
АСТАНА. Ақпанның 11-і. ҚазАқпарат – Қазақстанның Электр энергетикасы қауымдастығы (ҚЭА) Директорлар кеңесінің 2009 жылғы ақпанның 5-індегі шешімімен Қауымдастық Төрағасы лауазымы енгізіліп, осы қызметке Шәймерден Оразалинов тағайындалды,
деп хабарлады ҚазАқпаратқа қауымдастықтың баспасөз қызметінен.Алматы қаласында өткен Қазақстанның Электр энергетикасы қауымдастығы Директорлар кеңесінің мәжілісінде сондай-ақ Қауымдастыққа жаңа компанияларды қабылдау, 2008 жылғы жоспардың орындалу нәтижелері, 2009 жылға арналған бюджет жобасы, РЭК жөндеу бригадаларының жарыстары секілді салалық іс-шараларды ұйымдастыру және энергетиканың бұрынғы министрі Тимофей Иванович Батуровтың 100 жылдығын өткізу мәселелері қаралды. Қауымдастықтың негізгі міндеті ? Қазақстан Республикасы электр энергетикасы саласы субъектілерінің қызметін үйлестіру және олардың толыққанды жұмыс істеуіне жағдай туғызу, сондай-ақ жалпы мүдделерін ұсыну және қорғау. Қазақстанның Электр энергетикасы қауымдастығы ? энергетика кәсіпорындары мен ұйымдары заңды тұлғаларының салалық бірлестігі, электр энергетикасы саласында қызмет істейтін 30-дан аса компанияның мүддесін қорғап отыр.
