Қазақстанның хоккейден жастар құрамасы әлем чемпионатында хорваттарды 10:1 есебімен жеңді
АСТАНА. Желтоқсанның 15-і. ҚазАқпарат - Қазақстанның Валерий Кириченко жетекшілік ететін хоккейден жастар құрамасы Польша өтіп жатқан әлем чемпионатында алғашқы жеңіске қол жеткізді.
Олар хорват құрамасын 10:1 есебімен ойсырата жеңді, деп хабарлады Қазақстанның Шайбалы хоккей федерациясының баспасөз қызметінен.
Қазақстандық команда бірінші кезеңнің соңына қарай есепті 4:0 жеткізді. Хорватия құрамасының жалғыз шайбасын үшінші кезеңде Доминик Канает соқты. Содан кейін де қазақстандықтар қарсыластар қақпасына шабуылын үдете түсіп, соғылған шайбалардың санын онға жеткізді.
