Қазақстанның хоккейші қыздары Франция құрамасынан жеңілді

АСТАНА. Сәуірдің 8-і. ҚазАқпарат /Жасұлан Аманбайұлы/ - Словакияда шайбалы хоккейден 18 жасқа дейіңгі қыздар арасында өтіп жатқан Әлем чемпионатында Қазақстан құрамасы кеше Франция хоккейшілерімен болған кезекті кездесуде жеңіліп қалды, деп хабарлайды ҚазАқпарат.

Қазақстан-Франция матчі 4:1 есебімен француздықтардың басымдығымен аяқталды. Қазақстан тарапынан соғылған жалғыз голды Ажар Хамимолдинова салды.

1-ші топ ойыншылары арасында басталған Әлем біріншілігі аясында өткен басқа да матчтарды Қазақстанның хоккейші қыздары жеңіліспен аяқтағаны белгілі.

Қазақстан құрамасының келесі қарсыласы - Норвегия.