Қазақстанның кейбір өңірлерінде күшті жел тұрса, жекелеген жерлерде аптап ыстық болжануда
АСТАНА. Шілденің 8-і. ҚазАқпарат - Қазгидрометтің болжауынша бүгін, шілденің 8-і күні Қазақстанның басым аумағы атмосфералық ағымдар бөліктерімен байланысты - циклонның әсерінде болады.
Мәселен, Ақтөбе, Қостанай, Солтүстік Қазақстан, Павлодар, Шығыс Қазақстан, Оңтүстік Қазақстан, түнде Алматы, таңертең және күндіз Ақмола облысының жекелеген жерлерінде желдің екпіні секундына 15-22 метрге дейін күшейеді деп болжануда. Оңтүстік Қазақстан облысында - шаң аралас.
Қызылорда, Маңғыстау, Ақтөбе облысының кей аумақтары мен Алматы, Батыс Қазақстан облыстарында қатты ыстық болады. Атырау облысының кей жерлерінде аптап ыстықтар күтілуде.
Сондай-ақ Қазгидромет бүгін, Батыс Қазақстан, Атырау, Қызылорда, Қарағанды, Ақтөбе, Оңтүстік Қазақстан, Жамбыл, Алматы, Қостанай және Батыс Қазақстан облыстарында 5-ші дәрежелі өрт қаупі сақталатынын ескертеді.
